ਟੋਰਾਂਟੋ ਦੇ ਲੋਕਸ਼ੋਰ ਬੁਲੇਵਾਰਡ ਈਸਟ ਇਲਾਕੇ ਵਿੱਚ ਵਾਪਰੇ ਦੁਰਘਟਨਾ ਵਿੱਚ ਚਾਰ ਭਾਰਤੀ ਨੌਜਵਾਨਾਂ ਦੀ ਮੌਤ ਦਾ ਮਾਮਲਾ ਇੱਕ ਵੱਡੀ ਚਰਚਾ ਦਾ ਵਿਸ਼ਾ ਬਣਿਆ ਹੈ। ਜਾਂਚ ਦੌਰਾਨ ਖੁਲਾਸਾ ਹੋਇਆ ਹੈ ਕਿ ਇਸ ਹਾਦਸੇ ਵਿੱਚ ਫਸੀ ਟੈਸਲਾ ਕਾਰ ਦਾ ਇਲੈਕਟ੍ਰਾਨਿਕ ਲੌਕ ਟੁੱਟ ਗਿਆ ਸੀ, ਜਿਸ ਕਰਕੇ ਕਾਰ ਦੇ ਅੰਦਰ ਫਸੇ ਲੋਕ ਬਾਹਰ ਨਹੀਂ ਨਿਕਲ ਸਕੇ। ਇਸ ਹਾਦਸੇ ਦੌਰਾਨ ਕੇਵਲ ਇੱਕ ਕੁੜੀ ਨੂੰ ਕੈਨੇਡਾ ਪੋਸਟ ਦੇ ਮੁਲਾਜ਼ਮ, ਰਿਕ ਹਾਰਪਰ ਦੀ ਬਹਾਦਰੀ ਦੇ ਕਾਰਨ ਬਚਾਇਆ ਜਾ ਸਕਿਆ, ਪਰ ਬਾਕੀ ਚਾਰ ਲੋਕਾਂ ਦੀ ਮੌਤ ਹੋ ਗਈ।
ਇਸ ਹਾਦਸੇ ਨੇ ਟੈਸਲਾ ਦੀ ਸੁਰੱਖਿਆ ਪ੍ਰਬੰਧਾਂ ‘ਤੇ ਨਵੇਂ ਸਵਾਲ ਖੜ੍ਹੇ ਕਰ ਦਿਤੇ ਹਨ। ਟੈਸਲਾ ਦਾ ਕਹਿਣਾ ਹੈ ਕਿ ਉਸ ਦੀਆਂ ਕਾਰਾਂ ਵਿੱਚ ਮੈਨੂਅਲ ਬਟਨ ਦੀ ਸਹੂਲਤ ਹੈ, ਪਰ ਬਹੁਤ ਸਾਰੇ ਲੋਕ ਇਸ ਸਿਧੇ ਸਾਧੇ ਪਰਣਾਲੀ ਤੋਂ ਅਣਜਾਣ ਰਹਿੰਦੇ ਹਨ। ਮਾਹਰਾਂ ਨੇ ਵੀ ਇਸ ਗੱਲ ਨੂੰ ਅਣਦੇਖਾ ਕੀਤਾ ਕਈ ਲੋਕ ਐਮਰਜੈਂਸੀ ਵਿੱਚ ਮੈਨੂਅਲ ਸਿਸਟਮ ਦਾ ਉਪਯੋਗ ਨਹੀਂ ਕਰ ਪਾਉਂਦੇ।
ਇਸ ਹਾਦਸੇ ਵਿੱਚ ਜਾਨ ਗੁਆਉਣ ਵਾਲੇ ਨੌਜਵਾਨਾਂ ਦੀ ਪਹਿਚਾਣ 25 ਸਾਲਾਂ ਦੇ ਨੀਲਰਾਜ ਗੋਹਿਲ, ਉਸ ਦੀ 29 ਸਾਲਾ ਭੈਣ ਕਿਤਾਬਾ ਗੋਹਿਲ, ਜੈਅ ਸਿਸੋਦੀਆ ਅਤੇ ਦਿਗਵਿਜੇ ਪਟੇਲ ਵਜੋਂ ਕੀਤੀ ਗਈ ਹੈ। ਕੈਨੇਡਾ ਪੋਸਟ ਦੇ ਮੁਲਾਜ਼ਮ ਰਿਕ ਹਾਰਪਰ ਨੇ ਦੱਸਿਆ ਕਿ ਹਾਦਸੇ ਦੇ ਵੇਲੇ ਉਹਨਾਂ ਨੇ ਬਹੁਤ ਜ਼ੋਰ ਨਾਲ ਕਾਰ ਦਾ ਸ਼ੀਸ਼ਾ ਤੋੜਿਆ ਅਤੇ ਕੁੜੀ ਨੂੰ ਬਾਹਰ ਕੱਢਿਆ। ਧੂੰਏ ਦਾ ਸੰਘਣਾਪਨ ਇਸ ਕਦਰ ਸੀ ਕਿ ਉਹ ਹੋਰ ਕਿਸੇ ਨੂੰ ਨਹੀਂ ਬਚਾ ਸਕੇ। ਪੁਲਿਸ ਦੀ ਰਿਪੋਰਟ ਮੁਤਾਬਕ ਟੈਸਲਾ ਕਾਰ ਦੀ ਰਫਤਾਰ ਬਹੁਤ ਤੇਜ਼ ਸੀ ਅਤੇ ਇਹ ਗਾਰਡ ਰੇਲ ਨਾਲ ਟਕਰਾਉਂਦੀ ਹੋਈ ਅੱਗ ਦੀ ਲਪੇਟ ਵਿੱਚ ਆ ਗਈ।
ਇਸ ਹਾਦਸੇ ਦੇ ਮੱਦੇਨਜ਼ਰ ਅਮਰੀਕਾ ਦੇ ਨੈਸ਼ਨਲ ਹਾਈਵੇਅ ਟ੍ਰੈਫਿਕ ਸੇਫਟੀ ਐਡਮਨਿਸਟ੍ਰੇਸ਼ਨ ਵੱਲੋਂ ਟੈਸਲਾ ਮਾਡਲ ‘ਵਾਈ’ ਦੀ ਜਾਂਚ ਜਾਰੀ ਹੈ। ਇਹ ਮਾਡਲ ਕਈ ਹਾਦਸਿਆਂ ਵਿੱਚ ਸ਼ਾਮਲ ਪਾਇਆ ਗਿਆ ਹੈ, ਜਿੱਥੇ ਸੈਲਫ ਡਰਾਈਵਿੰਗ ਮੋਡ ਦੌਰਾਨ ਕਾਰਾਂ ਨੇ ਅਣਚਾਹੀਆਂ ਟੱਕਰਾਂ ਮਾਰੀ। ਨੈਸ਼ਨਲ ਹਾਈਵੇਅ ਟ੍ਰੈਫਿਕ ਸੇਫਟੀ ਐਡਮਨਿਸਟ੍ਰੇਸ਼ਨ ਦੀ ਜਾਂਚ ਦੌਰਾਨ ਇਹ ਵੀ ਪਤਾ ਲੱਗਾ ਹੈ ਕਿ ਸੈਲਫ ਡਰਾਈਵਿੰਗ ਸਾਫਟਵੇਅਰ ਦੀਆਂ ਅਣਗਲਤੀਆਂ ਕਾਰਨ ਅਮਰੀਕਾ ਦੇ ਕਈ ਹਾਈਵੇਅ ‘ਤੇ ਹਾਦਸੇ ਵਾਪਰੇ ਹਨ।
ਇਹ ਹਾਦਸਾ ਸੈਲਫ ਡਰਾਈਵਿੰਗ ਕਾਰਾਂ ਦੀ ਸੁਰੱਖਿਆ ਸਬੰਧੀ ਵਿਸ਼ਵਾਸ ‘ਤੇ ਵੀ ਸਵਾਲ ਖੜ੍ਹਦਾ ਹੈ। ਟੈਸਲਾ ਵੱਲੋਂ ਆਪਣੇ ਸੈਲਫ ਡਰਾਈਵਿੰਗ ਸਾਫਟਵੇਅਰ ਦੇ ਸੁਰੱਖਿਆ ਪ੍ਰਬੰਧਾਂ ਬਾਰੇ ਕਿਹਾ ਗਿਆ ਹੈ ਕਿ ਡਰਾਈਵਰ ਨੂੰ ਹਮੇਸ਼ਾਂ ਚੌਕਸ ਰਹਿਣਾ ਚਾਹੀਦਾ ਹੈ। ਪਰ, ਇਸ ਹਾਦਸੇ ਤੋਂ ਬਾਅਦ ਇਹ ਚਰਚਾ ਹੋ ਰਹੀ ਹੈ ਕਿ ਜੇਕਰ ਸੇਲਫ ਡਰਾਈਵਿੰਗ ਸਿਸਟਮ ਵਿੱਚ ਵੱਡੇ ਨੁਕਸ ਪਾਏ ਜਾਂਦੇ ਹਨ, ਤਾਂ ਟੈਸਲਾ ਨੂੰ ਲੱਖਾਂ ਕਾਰਾਂ ਵਾਪਸ ਸੱਦਣੀਆਂ ਪੈ ਸਕਦੀਆਂ ਹਨ।
